 | ||||||
| Imaxe de aquí. |
Rosalía na nosa literatura
Rosalía de Castro é a escritora máis representativa da lingua e da literatura galegas. A publicación do seu libro Cantares Gallegos, o primeiro escrito integramente no noso idioma, desde a vontade firme e inequívoca do seu significado, sinala o inicio da restauración do uso escrito do noso idioma e o final de séculos de silencio e esquecemento.
A súa obra é un retrato do pobo galego e goza dunha total actualidade. Desde o século XIX Rosalía de Castro foi homenaxeada polas galegas e os galegos como poeta nacional, pois reclamou a redención da patria galega e asumiu a voz do seu pobo, voz que guiou permanentemente a súa obra e o seu pensamento. Esta galeguidade intrínseca dos seus textos, esta comunicación e entendemento permanente co seu pobo, ao se dirixir a el no seu idioma propio, foi o que a fixo tamén poeta de todos os pobos, chegando a formar parte da nómina de escritoras máis destacadas da literatura universal de todos os tempos.
É ben certo ! Cantos valores nunha soa persoa, canto mérito ademais por defender a súa identidade como muller escritora , tendo tan clara a necesidade de defender as mulleres galegas na sociedade do XIX.
ResponderEliminarTodo admiración e agradecemento para ela!
Moi fermosa a presentacion fotográfica Ánxeles
E o poema musicado na voz de Luz Casal é unha delicia!
ResponderEliminar