17/5/12

Festa reivindicativa no Día das Letras galegas

                           

            Hoxe milleiros de persoas acudiron a Compostela para alzar a súa voz en favor do galego,reivindicando o dereito a vivirmos plenamente no noso idioma.
A popa da manifestación aínda andaba pola Rúa do Hórreo e xa a Praza da Quintana estaba medio chea. As chamadas da organización desde o palco eran constantes a ir deixando espazos libres na entrada para @s que estaban por chegar. E moitos, finalmente, non puideron acceder por falla de espazo.

            A música de Zurrumalla e Os Carunchos animaba desde o palco a entrada das persoas. Seguían entrando de forma constante (novos e maiores, familias ao completo e grupos de amigos, parellas, veciños que acudían no mesmo carro, persoas a xeito individual mais que na Quintana formaron a gran familia polo galego…) cando Agustín Fernández Paz deu lectura ao manifesto “Voares de Esperanza”, foi escoitado, entendido e aplaudido a cachón.    

2 comentarios:

  1. Que reconfortante é ver a resposta da xente!

    ResponderEliminar
  2. E tanto Inés, somos moitos os que así o sentimos: a dignidade da nosa lingua permítenos estar tan orgullosos...

    ResponderEliminar